2024 сыл түмүгүнэн Саха сирин суруналыыстарын бириэмийэтэ туттарылынна

13.01.2025

Саха Өрөспүүбүлүкэтин ойуулуур-дьүhүннүүр музейын Тааттатааҕы салаатын - Харбалаахтааҕы хартыына галереятын салайааччыта Вера Александровна Канаева 2024 сыл түмүгүнэн суруналыыстар бириэмийэлэригэр «Общественнай корреспондент» диэн түһүмэххэ кыайыылаах ааты ылары ситистэ.

Вера Канаева Россия суруналыыстарын сойууһугар 2019 сыллаахха киирбитэ. Сахалыы суруйар суруналыыстар «Уһун Дьурантаайы» куонкуруска «Бастыҥ кэпсэтээччи» анал ааты (2020 с.), Саха АССР 100 сылыгар аналлаах «Мир и согласие» куонкуруска (2022 с.) 1 миэстэни ылбыта. ​«Киин куорат», «Ил Түмэн», «Дьулурҕан» хаһыаттарга, «Байдам» сурунаалга суруйар.

«Общественнай корреспондент» бириэмийэни өрөспүүбүлүкэ хаһыаттарыгар, сурунаалларыгар ситимнээхтик, интириэһинэй олохтоох, дьикти дьарыктаах саха дьонун суруйан киэҥ эйгэҕэ таһаарар корреспонденнарга иҥэриллэр.

 Музей коллектива Вера Александровнаны үрдүк ситиһиитинэн эҕэрдэлиир. Инники айар-тутар үлэҕэр саҥа дабайыылары баҕарабыт!

1.jpg

 

Поделиться