Олунньу 13 күнүттэн Михаил Федорович Габышев аатынан Тас дойду айымньыларын галереята искусствоны сыаналааччылары уонна ытыктааччылары аан бастакытын саха тылынан ыытыллар тематическай экскурсияҕа ыҥырар.

XVI–XIX үйэлэрдээҕи Арҕаа Европа искусствотын саха тылынан живопись, графика уонна скульптура шедеврдарын саҥалыы арыйыаҕа. Истээччилэр ааспыт үйэ архитектуратын пааматынньыгар – Казначейство кэрэ саалаларыгар Италия, Франция, Англия, Фландрия уонна Голландия маастардарын дьиҥнээх айымньыларын кытта билсиэхтэрэ, профессор Михаил Федорович Габышев коллекциятын устуоруйатын арыйыахтара.

Галерея ураты эйгэтэ уонна ийэ тыл этигэнэ култууралар икки ардыларыгар дьүөрэлэһиини үөскэтиэхтэрэ, ойуулуур-дьүһүннүүр искусство кэрэтин арыйыахтара.

Төрөөбүт тылбытынан кэрэни кэрэхсиэх!

Буолар кэмэ уонна сирэ: олунньу 13 күнүттэн М. Ф. Габышев аатынан Тас дойду айымньыларын галереята: Дьокуускай к., Петровскай аатынан уулусса, 4.

Экскурсия өҥөтө: улахан дьоҥҥо – 650 солк.; оҕолорго – 250 солк.; устудьуон дьоҥҥо – 450 солк.; пенсионердарга – 550 солк.; элбэх оҕолоох ыалларга – 150 солк. (докумен эбэтэр qr-код көрдөрөргүт ирдэнэр):

Үлэлиир чааһа: сэрэдэ-баскыһыанньа 10.00-18.00 (касса 17.30 сабыллар), өрөбүл күннэр – бэнидиэльник-оптуорунньук.

 

Билсэр нүөмэр: 8 (4112) 31-67-17